Russia-Ukraine War: దిగిపోయే ముందు ఉక్రెయిన్-రష్యా మధ్య చిచ్చు పెట్టిన బైడన్.. ఇది ఎక్కడికి దారితీస్తుందో?

రష్యా-ఉక్రెయిన్ యుద్ధం మంగళవారానికి 1000వ రోజు పూర్తియింది. ఉక్రెయిన్ రష్యా భూభాగంపై అమెరికన్ క్షిపణితో దాడి చేసి రెడ్ లైన్ దాటింది. దీని గురించి రష్యా అధ్యక్షుడు పుతిన్ చాలా కాలంగా హెచ్చరిస్తూ వస్తున్నారు. రష్యా-ఉక్రెయిన్ యుద్ధం మంగళవారం రోజుకు వెయ్యి రోజులు గడిచాయి. ఫిబ్రవరి 22 నుండి జరుగుతున్న యుద్ధం మంగళవారం తీవ్రతరం అయింది. ఉక్రెయిన్ సైన్యం పుతిన్ గీసిన రెడ్ లైన్‌ను దాటి సుదూర క్షిపణులతో దాడి చేసింది. అమెరికా నుండి గ్రీన్ సిగ్నల్ పొందిన తరువాత, ఉక్రెయిన్ మొదటిసారిగా రష్యా భూభాగంలో అమెరికా నుండి అందుకున్న సుదూర క్షిపణిని ఉపయోగించింది. RBC ఉక్రెయిన్ యొక్క నివేదిక ప్రకారం, ఉక్రెయిన్ సైన్యం అమెరికా నుండి అందుకున్న ATACMS క్షిపణులను రష్యన్ భూభాగంలోకి వచ్చే సరిహద్దు ప్రాంతంలో కాల్చింది. దీనిని రష్యా కూడా ధృవీకరించింది. రష్యాపై ఉక్రెయిన్ అమెరికా క్షిపణిని ప్రయోగించింది బ్రియాన్స్క్ ప్రాంతంలోని లక్ష్యంపై ఉక్రెయిన్ సైనికులు 6 ATACMS క్షిపణులతో రాత్రి దాడి చేశారని రష్యా రక్షణ మంత్రిత్వ శాఖ తెలిపింది. రష్యా క్షిపణి రక్షణ వ్యవస్థ వీటిలో 5 క్షిపణులను కూల్చివేసిందని, మరొక క్షిపణిని పాడు చేయగలిగిందని మంత్రిత్వ శాఖను ఉటంకిస్తూ RIA నోవోస్టి తెలిపింది. కానీ క్షిపణి శకలాలు సైనిక సదుపాయంలోని సాంకేతిక ప్రాంతంలో పడి మంటలు చెలరేగాయి. రష్యా ప్రభుత్వ మీడియా ప్రకారం, ఈ క్షిపణి దాడుల కారణంగా రష్యాలో ఎటువంటి ప్రాణనష్టం జరగలేదు. పుతిన్ అణు విధ్వంసం తెస్తాడా? రష్యా అధ్యక్షుడు వ్లాదిమిర్ పుతిన్ దేశ అణు సిద్ధాంతంలో మార్పులను ఆమోదించిన సమయంలో ఈ దాడి జరిగింది. రష్యా అణ్వాయుధాల వినియోగానికి సంబంధించిన ఈ నియమం ప్రకారం, ఒక దేశం అణుశక్తి దేశంతో కలిసి రష్యాపై క్షిపణి దాడిని ప్రయోగిస్తే, అటువంటి పరిస్థితిలో రష్యా అణ్వాయుధాలను ఉపయోగించవచ్చు. ఇదొక్కటే కాదు రష్యా అణు సూత్రాలలో మార్పుల ప్రకారం, రష్యాపై ఏదైనా కూటమిలోని సభ్య దేశం ద్వారా దాడి జరిగితే, మాస్కో ఈ దాడిని మొత్తం కూటమి చేసిన దాడిగా పరిగణిస్తుంది. అంటే రష్యాకు వ్యతిరేకంగా అమెరికా ఆయుధాలు ప్రయోగిస్తే, దానికి రష్యా మొత్తం నాటో కూటమిని బాధ్యులను చేస్తుంది.