IND vs AUS 5th Test: ముగిసిన తొలిరోజు.. తొలి వికెట్ కోల్పోయిన ఆసీస్.. మరోసారి బుమ్రాతో గొడవపడిన కొన్‌స్టాస్

India vs Australia, 5th Test Day 1 Highlights: ఆస్ట్రేలియాతో జరుగుతున్న బోర్డర్-గవాస్కర్ ట్రోఫీ 5వ టెస్టు తొలి ఇన్నింగ్స్‌లో 185 పరుగులకు ఆలౌటైన భారత జట్టు.. అనంతరం ఆటముగిసే సమయానికి ఆస్ట్రేలియా జట్టుకు బిగ్ షాక్ ఇచ్చింది. 2 పరుగుల వద్ద ఉస్మాన్ ఖవాజాను పెవలియన్ చేర్చన బుమ్రా ఊహించని షాక్ ఇచ్చాడు. ఇక తొలి రోజు ఆట ముగిసే సమయానికి సామ్ కొన్‌స్టాస్ 7 పరుగులతో నాటౌట్‌గా వెనుదిరిగాడు. India vs Australia, 5th Test Day 1 Highlights: ఆస్ట్రేలియాతో జరుగుతున్న బోర్డర్-గవాస్కర్ ట్రోఫీ 5వ టెస్టు తొలి ఇన్నింగ్స్‌లో భారత జట్టు 185 పరుగులకు ఆలౌటైంది. శుక్రవారం ఆట ముగిసే సమయానికి ఆస్ట్రేలియా ఒక వికెట్ నష్టపోయి 9 పరుగులు చేసింది. 2 పరుగుల వద్ద ఉస్మాన్ ఖవాజా ఔటయ్యాడు. కాగా, తొలి రోజు ఆట ముగిసే సమయానికి సామ్ కొన్‌స్టాస్ 7 పరుగులతో నాటౌట్‌గా వెనుదిరిగాడు. అంతకుముందు టాస్ గెలిచిన భారత జట్టు కేవలం 185 పరుగులకే ఆలౌట్ అయింది. టీమ్ ఇండియా తరపున రిషబ్ పంత్ అత్యధికంగా 40 పరుగులు చేశాడు. 26 పరుగుల వద్ద రవీంద్ర జడేజా ఔటయ్యాడు. శుభ్‌మన్ గిల్ 20 పరుగులు చేయగా, విరాట్ కోహ్లీ 17 పరుగులు చేశాడు. ఆస్ట్రేలియా బౌలర్లలో స్కాట్ బోలాండ్ 4 వికెట్లు పడగొట్టాడు. మిచెల్ స్టార్క్ 3 వికెట్లు తీశాడు. పాట్ కమిన్స్ 2 వికెట్లు తీశాడు. నాథన్ లియాన్ ఖాతాలో ఒక వికెట్ చేరింది.