Gukesh D: చెస్ ప్రపంచ ఛాంపియన్‌గా 18 ఏళ్ల భారత ఆటగాడు.. విశ్వనాథ్ ఆనంద్ సరసన గుకేష్

World Chess Champion: ప్రపంచ ఛాంపియన్‌షిప్ చివరి రౌండ్‌ వరకు చేరింది. చివరి గేమ్‌లో నిర్ణయాత్మక విజయాన్ని నమోదు చేసిన చెన్నైకి చెందిన 18 ఏళ్ల గ్రాండ్‌మాస్టర్ డి గుకేశ్.. చైనా దిగ్గజంపై విజయం సాధించాడు. దీంతో విశ్వనాథ్ ఆనంద్ తర్వాత ప్రపంచ చెస్ ఛాంపియన్‌షిప్ టైటిల్ నెగ్గిన రెండో భారత గ్రాండ్‌మాస్టర్‌గా గుకేశ్ నిలిచాడు. Gukesh D World Chess Champion: సింగపూర్‌లో గురువారం జరిగిన ప్రపంచ చెస్ ఛాంపియన్‌షిప్ టైటిల్‌ను 18 ఏళ్ల భారత గ్రాండ్‌మాస్టర్ డి గుకేశ్ గెలుచుకున్నాడు. అతను ఫైనల్‌లో చైనాకు చెందిన డిఫెండింగ్ ఛాంపియన్ డింగ్ లిరెన్‌ను 7.5–6.5తో ఓడించాడు. ప్రపంచంలోనే ఇంత చిన్న వయసులో టైటిల్‌ గెలిచిన తొలి ఆటగాడిగా గుకేశ్‌ నిలిచాడు. అంతకుముందు 1985లో రష్యాకు చెందిన గ్యారీ కాస్పరోవ్ 22 ఏళ్ల వయసులో ఈ టైటిల్‌ను గెలుచుకున్నాడు. 14వ గేమ్‌లో చైనా ఆటగాడిని ఓడించి గుకేశ్ టైటిల్ గెలుచుకున్నాడు. ఛాంపియన్‌షిప్ ఫైనల్స్ నవంబర్ 25న ప్రారంభమయ్యాయి. డిసెంబర్ 11 వరకు ఇద్దరి మధ్య 13 గేమ్‌లు జరిగాయి. ఇక్కడ స్కోరు 6.5-6.5తో సమమైంది. ఈరోజు జరిగిన 14వ గేమ్‌లో గుకేశ్ గెలిచి ఒక పాయింట్‌తో ఆధిక్యంలోకి వెళ్లి స్కోరును 7.5-6.5తో చేశాడు.