భారతీయ వాయుయాన్‌ విధేయక్‌’ బిల్లుకు పార్లమెంట్ ఆమోదం.. అసలు ఇంతకీ అదేంటంటే

విమానరంగాన్ని మరింత అభివృద్ధి చేసేందుకు వీలుగా 90 ఏళ్ల క్రితం నాటి 1934 ఎయిర్‌క్రాఫ్ట్ యాక్ట్‌ను మార్చేందుకు పార్లమెంట్ ఆమోదం తెలిపింది. ఈ చట్టం స్థానంలో.. విమానరంగాన్ని మరింత అభివృద్ధి చేసేందుకు వీలుగా 90 ఏళ్ల క్రితం నాటి 1934 ఎయిర్‌క్రాఫ్ట్ యాక్ట్‌ను మార్చేందుకు పార్లమెంట్ ఆమోదం తెలిపింది. ఈ చట్టం స్థానంలో ‘భారతీయ వాయుయాన్ విధేయక్ 2024’ను తీసుకొచ్చే బిల్లుకు మూజువాణి ఓటు ద్వారా రాజ్యసభ ఆమోదముద్ర వేసింది. అనవసర నిబంధనలు తొలగించడం, 21 సార్లు సవరించిన 1934 నాటి చట్టం స్థానంలో వేరే చట్టాన్ని తేవాలని ఈ బిల్లులో ప్రతిపాదించారు. దీనిపై కేంద్ర పౌర విమానయాన శాఖ మంత్రి కె రామ్మోహన్ నాయుడు రాజ్యసభలో మాట్లాడుతూ.. ‘బిల్లును ఆంగ్లం నుంచి హిందీలోకి మార్చడంపై చాలామంది సభ్యులు అభ్యంతరం వ్యక్తం చేశారు. అయితే భారతదేశ వారసత్వం, సంస్కృతిని చాటి చెప్పాలనే ఉద్దేశంతోనే ఈ మార్పులు చేశామని.. రాజ్యాంగ నియమాల ఉల్లంఘన జరగలేదని’ స్పష్టం చేశారు. తొలుత హిందీలో ఈ బిల్లు పేరును పలకడం కష్టంగా ఉండొచ్చునేమో గానీ.. ఆ తర్వాత వారు దానికి అలవాటు పడతారని, సులువు అవుతుందని చెప్పారు. అంతర్జాతీయ ప్రమాణాలను అందుకునేందుకు వీలుగా ఏవియేషన్ రంగంలో వలసల వారసత్వాన్ని నిలిపివేసే దిశగా ఈ బిల్లును రూపొందించినట్టు మంత్రి వెల్లడించారు. ఆగష్టు 19, 1934న ఎయిర్‌క్రాఫ్ట్ యాక్ట్ 1934కి అప్పటి గవర్నర్ జనరల్ ఆమోదం తెలిపారు. అలాగే ఆ చట్టంలో అనేకసార్లు సవరింపులు జరిగాయి. పెరుగుతున్న విమాన ఛార్జీలపై కొంతమంది ఎంపీలు ఆందోళనలు చేయగా.. దానికి మంత్రి స్పందిస్తూ.. ఉడాన్ పథకం ద్వారా కొంత మేరకు ఛార్జీలను అందరికీ అందుబాటులో ఉండేలా ప్రభుత్వం కృషి చేస్తోందని మంత్రి అన్నారు.